Bakpo ambo tok stuju mak yo pindoh

Meme tok pernoh lagi ambo update blog dale bahaso klate. Entry ni special la kironyo sebab update dale bahaso klate ni. Maah banyok la wat tok leh baco entry ni, mukin buleh cari sain2 wat asal dari klate untuk translate. wak asal dari klate, entry ni untuk sek sek kito la. ko guano?

Mat yo pindoh g johor?

Sebelum ambo teruh naip, ambo raso personally taun depe ni musim bola akan jadi koho sedap. koho sedap bakpo sebab klu kito tengok taun ni meme klate sedap dominasi game sapa sek sek kito bleh mene treble taun ni. cabare tu ado tapi tok banyok team wak buleh saing denge kito. Tapi taun depe mukin bruboh. akan ado joho wak mano bunyi kaba dapat pruntukan besa dale bola. teganu pun mano tahe tengok Raja sukan tok leh ko sek dio, sukma mene ko dio, basikal siap ado wakil ko olimpik lg, akat berat, hoki semuo bleh ko dio tapi bola tok leh. berak chetong gitu, meme taun depe akan gomo habih la nok mene

Sebak tu ambo kato taun depe ni bnyok cabare. banyok cabare, game betamboh sedak ngelih, kito penonton koho sedak nengok. ko guano?

Balik pado kes mat yo

Bunyi kaba mat yo nok batal kontrak denge klate untuk pindoh ko joho. tok tau la sebab gapo dio nok pindoh tu, dio jah la tau bakpo, tapi kito ni wak xsain xkena mano denge dio ni, mesti kito ingat dio nok pindoh sebab joho wi pitih lagi banyok. pasal pitih ni bia la, sebak tu hok dio, tapi wat ambo tok stuju bena dio pindoh tu sebab takut akan jejah karier dio

Bakpo kawe kato gitu, kalu tengok dio main meme sedak, sedak pun sebab ado ore lain wi bola sedak. klu set nyere ni, ore wi bola sedak, meme sumbat masuk gol sene la. Buleh g jauh tu. Tapi bakpo la tengoh sedak sedak ni dio nok pindoh plop. doh la kontrak tok habih lagi. srupo tok se bena jah denge klate ni.

Kalu kito tengok player2 yang main sedak pun, pindoh g tepak ore lain, meme tok jadi pahtu. banyok contoh boh, bleh check sdiri. So lagi kito main ni duit keno letok tepi, keno letok hati no 1. klu kijo gapo pun klu demo letok duit no 1 pun xjadi boh. kalu nego lagi la kalu duit no 1, meme tok tehe lamo. main bola pun samo la

Tera kito tengok messi, offer mahal pun stay jah kat barca. sebab tu bleh jadi 3 tahun turut2 best player fifa tu. Main bola ni buke sebab sore, tapo sebab team. Messi main world cup pun xjadi mano. argentina kaloh srupo tulo. tapi main kat barca gak, kemah molek dio.

Kalu mat yo tebaco la bendo ni, pilih molek la. ambo selaku penyokong TRW buke takut kehilange dio kat klate, tapi takut pahni tok jadi langsung. Saye kot dio main doh la kemah, pahni teruh tok jadi lasung. hile sore lagi bakat suke kat malaysia ni

Bereh, satel bobok pagi ni. smogo tuhe wi tujuk jale yang paling molek untok dio. Sek sek kito, gomo lagi season depe kito amek treble plop!